2024年12月13日
共享食物基金於今個禮拜一喺馬鞍山舉辦咗一場街市回收體驗，今次嘅活動包括一位小義工！小義工同佢嫲嫲，一齊跟住回收員，去到利安街市及日日食良街市，回收當晚嘅剩食。
小義工非常落力地幫忙推車，同埋將剩食放入回收箱中。而喺派發剩食嘅過程，已經感到疲憊嘅小義工，打起精神將食物分享到受惠者手中。小義工表示，下次仍會想參加活動，相信佢參與今次活動，感到開心同滿足，小小年齡都可以出一分力。
如果你都想俾小朋友，由細開始已經有珍惜食物嘅意識，歡迎帶5歲或以上嘅小朋友一齊參加我哋下次嘅街市回收體驗活動～
2024年12月13日