盛食升級再用剩油手工皂工作坊
2021年06月03日
【環保基金社區惜食大使育成計劃】生活日常
5月28日 晴 (今天好熱！)
今天好開心！因為跟一班關心環境嘅朋友分享升級食用廢棄油做皂嘅方法！用的正是佢哋會所嘅待回收食用廢棄油！
呢班朋友，係啟勝管理服務有限公司愛琴海岸會所嘅員工。公司對綠色管理屋苑相當有經驗，員工們對再用剩油理念都十分支持！還打算進一步將這個升級廢棄食油成皂嘅好方法，同屋苑住戶分享推廣！
我們分享了為何自己做皂，唔去買。在分享為何要再用廢棄食油時，大家發現了現時香港沒有渠道處理家用廢棄食用油。炸完食物或過期油，全都堆填區見！或傾倒廁所、鋅盤。問題嚟啦…堆埋廢油會污染地下水，傾倒廁所、鋅盤就易塞排污渠！
廢油又不能堆肥、屋苑廚餘收集亦唔收…唉…咁可以點？
將佢用嚟升級造皂就係出路！添加之材料又便宜又簡單，只係氫氧化鈉同水！在合適溫度下攪拌混合，入模，放置3個月，皂就熟成搞定！可去油洗碗洗衫，減少依賴石油化工、棕櫚油原料生產嘅洗潔精洗衣液！
聽到，你係咪心動都想做一份呢？！
嚟報名參加盛食升級再用工作坊吧！
----
後記：
參加員工在工作坊後，都覺得對食物浪費影響增加咗了解，提高咗佢哋升級再用廚餘的興趣及能力！更會嘗試實踐升級再用廚餘！
大家成功將棄油變成皂，當刻他們眼中發出的光亮，讓我覺得我們走對了方向，實踐惜食的教育要做下去！但走得好鬼累…
多謝瑞文及阿彩幫忙指導！
感謝環境運動委員會及環保基金資助。
累了，要睡啦！明天又是好的一天喲！
蟲
------