2022年09月28日
月餅唔好嘥雖然過咗中秋都有一段日子，但市面仍然有為數不少嘅月餅。早前老彤雜貨店聯絡我哋有兩箱月餅想捐贈，今日我哋收到佢哋捐贈嘅月餅，前線同事們立即安排派發。非常感謝老彤雜貨舖嘅捐贈。雖然月餅係應節食品，但唔代表過咗中秋就唔可以食，我哋仍然歡迎大家捐贈月餅俾我哋，唔好浪費食物。再此，我哋繼續呼籲各界，如果有任何食品即將過期（一星期前）或自己食唔切，都可以聯絡我哋接收。
#共享食物基金 #沙田婦女會 #月餅 #救食助人 #食物捐贈
2022年09月28日