節慶盛食升級再食用
2021年12月20日
節慶盛食升級再食用
嚟緊冬至、聖誕、新年，大家都可能喺歡度佳節時，出現剩餘食材，甚至菜頭菜尾、湯渣等，其實都可以花啲心思，將佢哋升級再食用，剩食變盛食，環保唔浪費，又仍然好味有益。
盛物 - 釀蕃茄
材料：紅蘿蔔、粟米、南瓜、芋頭、西芹、西蘭花梗、洋蔥、椰菜芯等湯渣、薏米水渣等。
做法：將蕃茄去肉，連同湯渣一齊，加少少調味料煮熟，釀入蕃茄，變身另一道菜。
盛物 - Pizza / 餃子 / 菜包 / 春卷 / 炒飯
材料：紅蘿蔔、粟米、南瓜、芋頭、西芹、西蘭花梗、洋蔥、椰菜芯等蔬菜頭尾。
做法：將蔬菜頭尾切粒，加入調味料，變身Pizza / 餃子 / 菜包 / 春卷 / 炒飯的餡料。
盛物 - 湯
材料：椰菜葉及芯、西蘭花莖、洋蔥頭及皮和莢、蔥頭及根、紅蘿蔔皮、南瓜皮、薯仔皮、青椒蒂芯等。
做法：以清水浸泡蔬果3分鐘，令農藥溶於水中。用流動清水衝擊去除殘餘農藥。用絲瓜囊刷洗蔬菜皮表面，並以牙刷擦洗果蒂凹陷處及根部，再用流動水沖洗。先洗後切，避免農藥污染刀具和食物。將蔬菜放入湯煲煮滾，加少少調味料調味。
一齊重溫環保基金社區惜食大使育成計劃的盛食升級再造工作坊 - 蔬果剩食升級再造，有關脫水果乾及雜菜撻的製作分享：
https://www.youtube.com/watch?v=WIjv9P7yc8o
#節慶 #惜食 #盛食升級